Presidenti Begaj përshëndet rezolutën për BE-në: Përgjigje e duhur ndaj raporteve të Unionit

Kreu i shtetit theksoi se rezoluta është dëshmi e pakundërshtueshme e një politike serioze dhe të përgjegjshme, të fokusuar plotësisht në agjendën reformuese të vendit për transformimin demokratik, institucional, ekonomik dhe social.

14.05.2026. 17:57

Presidenti Begaj përshëndet rezolutën për BE-në: Përgjigje e duhur ndaj raporteve të Unionit

Presidenti i Republikës, Bajram Begaj ka vlerësuar rezolutën e Kuvendit për procesin e integrimit në Bashkimin Europian, duke e cilësuar atë si një përgjigje të drejtë ndaj Raportit të Progresit 2025 të Komisionit Europian për Shqipërinë, si dhe raportit të Komisionit për Punët e Jashtme të Parlamentit Europian.

Në një reagim publik, kreu i shtetit theksoi rëndësinë e konsensusit politik, duke deklaruar se “kjo rezolutë shënon qasjen e vetme të drejtë: qasjen e bashkëpunimit, kompromisit dhe konsensusit për arritjen e këtij objektivi strategjik kombëtar”. Sipas tij, dokumenti përfaqëson një qëndrim të unifikuar rreth një objektivi madhor të vendit.

Presidenti Begaj shtoi: “Rezoluta është dëshmi e pakundërshtueshme e një politike serioze dhe të përgjegjshme, të fokusuar plotësisht në agjendën reformuese të vendit për transformimin demokratik, institucional, ekonomik dhe social”. Në përfundim, Begaj ka përshëndetur aktin e bashkëpunimit parlamentar.

Shkarkoni aplikacionin Newsmax Balkans:

Komente (0)