“Kjo organizatë meriton shekuj burg”, Berisha: Brukseli i kërkoi Ramës të shkarkojë Ballukun

Teksa falenderoi qytetarët për pjesëmarrjen masive në protestën e 20 shkurtit, Sali Berisha u ndal në mbledhjen e Këshillit të Mandateve për imunitetin e zv.kryeministres Balluku.

Kreu i demokratëve, citoi prokurorët duke thënë se Balluku me veprat që ka kryer rrezikon 36 vite burg, teksa shtoi se akuzat e ngritura ndaj saj, janë një pjesë shumë e vogël e krimeve që ajo ka kryer.

Në Foltoren e të hënës, Berisha ftoi edhe njëherë qytetarët që të vrasin frikën dhe të dalin masivisht në protestën e së shtunës.

“Jeni misionarë ndaj një regjimi që vjedh, poshtëron e përzë nga Shqipëria cdo orë qytetarët. Nuk ka vendim më fisnik sesa beteja kundër këtij regjimit, kësaj së keqeje që ka ngërthyer trupin e Shqipërisë. Një përshëndetje të veçantë për ata mijëra protestues që shndërruan 20 shkurtin në kryengritjen paqësore më të fuqishme që ka njohur vendi nga 1991. 20 shkurti ishte dita e triumfit të guximit qytetar, dita e triumfit të përgjegjësisë së qytetarëve ndaj kombit. Tirana ishte ne duart e qytetarëve dhe tmerroi këtë klikë, këtë organizatë kriminale, e cila në krimet e saj meriton shekuj burg dhe dënime.

Sot në Këshillin e Mandateve, Manja i thotë Ja se kjo Lubia nuk ka kryer një krim të rëndë sa të arrestohet. Përgjigja ishte ligjore. Kjo Lubia me veprat e saj shkon në minimin 36 vite burg. Por ju garantoj se ato vepra nuk janë më shumë se 1/10 e krimeve të saj apo Ramës”, tha Sali Berisha.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)