Elbasani rimerr kreun, fitore e madhe ndaj Vllaznisë/ Dinamo rikthehet e frikshme

Në javën e 15 të Kategorisë Superiore, Elbasani dhe Dinamo morën fitore të rëndësishme, duke rikthyer emocionet dhe konkurrencën në krye të renditjes. Në “Elbasan Arena”, Elbasani triumfoi 1-0 ndaj Vllaznisë, falë golit vendimtar të Tsague në minutën e 48-të pas një kombinimi të shkëlqyer me Loukilin. 

Ndeshja u karakterizua nga tensione dhe ndëshkime, me karton të kuq për Gjinin e Vllaznisë dhe disa kartonë të verdhë për lojtarët e të dyja ekipeve. Megjithëse Vllaznia tentoi të rikuperonte rezultatin, përpjekjet e tyre u ndalën nga një mbrojtje e vendosur dhe portieri Janaçek, që ndërhyri në momente kritike. 

Ndërkohë, Dinamo arriti një fitore të thellë 3-0 ndaj Flamurtarit në një ndeshje të zhvilluar në Vlorë. Lorenco Vila hapi rezultatin në minutën e 29-të, ndërsa Bregu dhe Xhejms sigurojnë fitoren për ekipin e trajnerit Ilir Daja me gola në minutat 77 dhe 86. Dinamo kontrolloi lojën dhe shfrytëzoi gabimet e Flamurtarit, duke treguar forcën e tyre dhe motivimin për të ngjitur pozitat në renditje. 

Pas kësaj jave, renditja udhëhiqet nga Elbasani me 29 pikë, Egnatia në vendin e dytë me 28 pikë, Dinamo 26 dhe Vllaznia 25 pikë.  

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)