Sulmohen në Liban forcat paqeruajtëse të OKB/ Izraeli: Eliminuam “terroristin” që punonte për Iranin

Forcat paqeruajtëse të Kombeve të Bashkuara janë qëlluar në Liban, raporton UNIFIL, misioni i përkohshëm i OKB-së në këtë vend. Sipas raportit, sulmet ndodhën në tre baza të ndryshme të OKB-së në Yatar, Dayr Kifa dhe Qallaqiyah, dhe besohet se ishin kryer nga grupe të armatosura jo-shtetërore. Në një nga bazat, të shtënat ishin vetëm pesë metra larg paqeruajtësve, por fatmirësisht nuk u raportuan të lënduar.

UNIFIL, e krijuar në vitin 1978, ka si detyrë të monitorojë konfliktet dhe të sigurojë akses humanitar për civilët. Forcat paqeruajtëse mund të jenë ushtarake, policore apo civile, dhe misionet e paqes përfshijnë mbrojtjen e civilëve, çarmatimin e ish-luftëtarëve, mbrojtjen e të drejtave të njeriut dhe mbështetjen e zgjedhjeve të lira dhe të ndershme.

Ndërkohë, ushtria e Izrael ka njoftuar se ka “eliminuar” një palestinez të quajtur Muhammad Majid Abdul Salam Tawfiq Zaydan, të cilin e përshkruan si “terrorist” që punonte për regjimin iranian. Sulmi, i kryer në Liban të premten, ishte një operacion i përbashkët i Forcave të Mbrojtjes së Izraelit dhe agjencisë izraelite të inteligjencës së brendshme, Shin Bet. Deri më tani, Irani nuk ka dhënë ndonjë reagim lidhur me vdekjen e tij.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)