Nëpër botë
"Fitore për botën", SHBA sekuestron uraniumin e Venezuelës
SHBA ka hequr uraniumin e pasuruar nga Venezuela. Ai është transferuar në Departamentin Amerikan të Energjisë (DOE).
16:31 3 h më parë10.05.2026.
AutoriShteti që bllokoi totalisht rrjetet sociale për fëmijët, ja si do të funksionojë
Australia ka bllokuar fëmijët nën 16 vjeç që të kenë akses në rrjetet sociale për të frenuar ekspozimin ndaj përmbajtjeve të rrezikshme për ta, ndërsa kompanitë e teknologjisë përballen me gjoba të mëdha për moszbatim.
Burimi: BBC
03.12.2025. 10:17
Australia ka nisur zbatimin e një prej reformave më të debatueshme në botën digjitale, ndalimin e përdorimit të rrjeteve sociale për fëmijët nën 16 vjeç. Nga 10 dhjetori, fëmijët nuk do të mund të hapin llogari të reja në platforma si TikTok, Instagram, Facebook, X, YouTube, Snapchat, Reddit, Threads, Kick dhe Twitch, ndërsa llogaritë ekzistuese do të çaktivizohen.
Qeveria argumenton se masa synon të mbrojë shëndetin mendor të të rinjve, pasi studimet tregojnë se 96% e moshës 10-15 vjeç përdorin rrjete sociale dhe 70% janë ekspozuar ndaj përmbajtjeve të dëmshme, si dhunë, mizogjini, nxitje për vetëdëmtim apo çrregullime të të ushqyerit. Një në shtatë fëmijë ka raportuar sjellje ngacmuese nga të rriturit ose fëmijët më të mëdhenj, ndërsa më shumë se gjysma janë përballur me bullizëm kibernetik.
Sipas ligjit të ri, nuk janë fëmijët apo prindërit që do të ndëshkohen, por kompanitë. Platformat që nuk zbatojnë ndalimin mund të gjobiten deri në 49.5 milionë dollarë australianë për shkelje serioze. Ato duhet të përdorin teknologji të ndryshme verifikimi, si ID qeveritare, njohje fytyre, zë apo algoritme që analizojnë sjelljen online. Vetëdeklarimet e moshës nga përdoruesit nuk pranohen.
Megjithatë, ekspertët paralajmërojnë se verifikimi i moshës është i pasaktë për adoleshentët dhe mund të bllokojë gabimisht edhe të rritur. Kritikët thonë se ndalimi mund të shtyjë fëmijët drejt profileve të rreme, përdorimit të VPN-ve dhe platformave më pak të sigurta. Ka shqetësime edhe për privatësinë, pasi sistemet kërkojnë mbledhjen e të dhënave sensitive, edhe pse qeveria premton mbrojtje strikte dhe fshirje të menjëhershme të tyre.
Rregullimi i Australisë po ndiqet me vëmendje nga vende të tjera, si Danimarka, Norvegjia, Spanja dhe Franca, që po shqyrtojnë masa të ngjashme. Ndërkohë, kompanitë e mëdha të teknologjisë, nga Meta te YouTube e TikTok, kanë shprehur kundërshtime, duke paralajmëruar se ndalimi mund të ketë pasoja të padëshiruara dhe se mund të jetë i lehtë për t’u anashkaluar. Qeveria, nga ana tjetër, pranon se ligji nuk do të jetë “i përsosur”, por e sheh atë si hap të domosdoshëm për mbrojtjen e të miturve.
Shkarkoni aplikacionin Newsmax Balkans:
Komente (0)