Presioni nga BE, Meta prezanton sistemin që identifikon moshën e të miturve

Kompania teknologjike Meta ka njoftuar masa të reja për të identifikuar dhe mbyllur llogaritë e përdoruesve nën moshën 13 vjeç në platformat e saj si Facebook dhe Instagram, pas kritikave të forta nga Bashkimi Evropian për sistemet ekzistuese të verifikimit të moshës.

Sipas kompanisë, sistemet aktuale do të përmirësohen me përdorimin e inteligjencës artificiale, e cila do të analizojë përmbajtje të postimeve, komenteve dhe të dhëna të tjera si biografitë e përdoruesve për të identifikuar profilet që mund të kenë deklaruar moshë të rreme.

Teknologjia do të vlerësojë gjithashtu elemente të tjera, si referenca për ditëlindje, shkollën apo shenja vizuale të përafërta për të gjykuar moshën e përdoruesit. Meta thekson se kjo nuk është njohje fytyre, por një vlerësim i përgjithshëm i të dhënave.

Llogaritë që identifikohen si të mitur nën 13 vjeç do të çaktivizohen përkohësisht, derisa përdoruesi të provojë moshën e tij. Në rast të kundërt, ato mund të fshihen përfundimisht.

Gjithashtu, kompania ka bërë të ditur se po thjeshton procesin e raportimit të llogarive të dyshimta dhe po përdor sisteme AI për të ndihmuar ekipet njerëzore në kontrollin e përmbajtjeve.

Në një tjetër hap, Meta pritet të nisë edhe njoftime për prindërit, duke i këshilluar mbi mënyrën se si të flasin me fëmijët për përdorimin e rrjeteve sociale dhe identitetin online.

Këto masa vijnë pas akuzave të Bashkimi Evropian se sistemet e kompanisë për kontrollin e moshës janë të pamjaftueshme dhe jo efektive në mbrojtjen e të miturve në internet.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)