Deklarata e Marta Kos se Serbisë i janë ndërprerë fondet, KE: Nuk ka asnjë vendim

Komisioni Evropian ka sqaruar se nuk ka marrë asnjë vendim formal për ngrirjen e fondeve nga Plani i Rritjes i Bashkimit Evropian për Serbinë.

Zëdhënësi i KE-së, Markus Lammers, tha se vlerësimi i përmbushjes së kushteve për përfitimin e fondeve është një proces i zakonshëm dhe bëhet vazhdimisht për çdo pagesë.

Megjithatë, ai theksoi se Bashkimi Evropian mbetet i shqetësuar për ligjet e reja në sistemin gjyqësor në Serbi dhe kërkon që vendi të zbatojë plotësisht rekomandimet e Komisioni i Venecias.

Këto deklarata vijnë pasi komisionarja për Zgjerim, Marta Kos, kishte thënë më herët se pagesat nga Plani i Rritjes ishin pezulluar për shkak të regresit në drejtësi dhe ligjeve të diskutueshme.

Plani i Rritjes i BE-së për Ballkanin Perëndimor parashikon që Serbia të përfitojë rreth 1.6 miliardë euro për periudhën 2024–2027, por këto fonde lidhen drejtpërdrejt me progresin në reforma.

Deri tani, Serbia ka marrë vetëm një pjesë të fondeve të planifikuara, pasi nuk ka përmbushur të gjitha kushtet e kërkuara nga Bashkimi Evropian.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)