Makina hyn mes turmës në qytetin gjerman, 2 viktima, të paqarta motivet

Një ngjarje e rëndë ka ndodhur pasditen e së hënës në qytetin lindor të Leipzig, në Gjermani, ku një makinë është futur në mes të një turme njerëzish, duke shkaktuar dy viktima dhe dhjetëra të plagosur.

Sipas autoriteteve lokale, 22 persona kanë mbetur të lënduar, ndërsa dy prej tyre janë në gjendje të rëndë.

Kryetari i bashkisë, Burkhard Jung, bëri të ditur se i dyshuari është arrestuar, por ende nuk dihen motivet e ngjarjes.

Shefi i zjarrfikësve, Axel Schuh, tha se në vendngjarje janë angazhuar rreth 40 zjarrfikës dhe 40 punonjës të urgjencës, si dhe dy helikopterë për transportimin e të plagosurve.

Policia konfirmoi se automjeti goditi disa persona në zonën qendrore Grimmaische Straße dhe më pas u largua nga vendi i ngjarjes, por drejtuesi u kap më vonë. Sipas policisë, aktualisht nuk ka më rrezik për qytetarët.

Zona është rrethuar nga forcat e sigurisë, ndërsa hetimet për zbardhjen e plotë të ngjarjes vijojnë.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)