Aksident ajror në Brazil, aeroplani përplaset me pallatin

Një avion i vogël është rrëzuar mbi tarracën e një pallati në qytetin Belo Horizonte në Brazil, duke shkaktuar dy viktima dhe dy të plagosur.

Avioni fluturoi për disa momente me shpejtësi mbi zonën e banuar dhe më pas ra mbi ndërtesë duke shkaktuar dëme të konsiderueshme.

Sipas autoriteteve lokale, piloti dhe bashkëpiloti kanë humbur jetën, ndërsa dy persona të tjerë ndodhen në gjendje të rëndë.

Avioni ishte nisur nga aeroporti Pampulha në orën 12:16 teksa pak minuta më vonë, shërbimet e emergjencës u njoftuan për rrëzimin e tij në zonën Silveira të qytetit.

Sipas raportimeve, piloti kishte sinjalizuar më herët kullën e kontrollit se po haste vështirësi gjatë ngritjes.

Zyrtarët e zjarrfikëses thanë se avioni është përplasur në pjesën midis katit të tretë dhe të katërt të ndërtesës, duke dëmtuar kryesisht shkallët dhe duke shmangur apartamentet e banuara.

Fatmirësisht, banorët e ndërtesës nuk kanë pësuar lëndime, ndërsa hetimet për shkaqet e aksidentit po vijojnë.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)