Panik në Premier League, futbollisti i Chelsea bie pa ndjenja në fushë

Momente paniku janë regjistruar gjatë ndeshjes së Premier League mes Chelsea dhe Nottingham Forest, pasi loja u ndërpre për rreth 10 minuta për shkak të një incidenti të rëndë në fushë.

Futbollisti 18-vjeçar i Chelseat, Jesse Derry, i cili po debutonte me ekipin e parë dhe kishte zhvilluar një paraqitje të mirë, u përplas në fund të pjesës së parë gjatë një dueli ajror me Zak Abbot të Nottingham Forest.

Pas goditjes në kokë, ai ra menjëherë pa ndjenja në fushë, duke shkaktuar shqetësim të madh te lojtarët dhe tifozët.

Stafi mjekësor ndërhyri me shpejtësi në fushë dhe e transportoi lojtarin me barrelë drejt dhomave të zhveshjes, ku iu vendos maskë oksigjeni. Më pas, ai u dërgua me ambulancë nga stadiumi “Stamford Bridge” drejt një spitali në Londër për ekzaminime të mëtejshme.

Ndërprerja e ndeshjes dhe ndërhyrja e menjëhershme mjekësore krijuan tension të madh në stadium, ndërsa situata e lojtarit mbetet nën vëzhgim mjekësor.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)