Arsenal siguron biletën në finale e Champions, Atletico Madrid nuk realizon dot surprizën

Arsenali është skuadra e parë që siguron biletën në finalen e Champions League. “Topçinjtë” vijojnë sezonin e ëndrrave, pas fitores 1-0 në ndeshjen e kthimit kundër Atletico Madrid, teksa sfida e parë kishte përfunduar në barazim 1-1.

Ndeshja në Londër u vulos nga goli i Bukayo Saka në minutën e 44-t të lojës. Sulmuesi anglez ishte në vendin e duhur dhe në kohën e duhur, duke devijuar në rrjetë topin e pritur nga portieri Oblak, pas tentativës së Trossard.

Ai episode mjaftoi që të vendoste fatin e ndeshjes, teksa Arsenali nuk e vuri asnjëherë në diskutim fitoren. Atletico e Madridit thjesht u dorëzua, duke mos realizuar dot surprizën e madhe përballë “topçinjve” që ishin favoritë në këtë duel.

Arsenali kualifikohet në finale pas 20 viteve mungesë. Më 30 maj në Budapest skuadra e drejtuar nga Arteta do të luajë përballë fituesit të superduelit Bayern-PSG. Francezët nisen nga avantazhi 5-4 i ndeshjes së parë, që ishte padyshim ndeshja më madhështore e këtij edicioni në eventin më prestigjoz për klube.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)