Tension në dhomat e zhveshjes së Realit, Rudiger qëllon me shuplakë shokun e ekipit

Një tjetër episod tensioni është raportuar brenda dhomave të zhveshjes së Real Madrid, duke nxjerrë në pah përçarje të brendshme në skuadër gjatë këtij sezoni.

Sipas gazetarit Miguel Serrano në “Onda Cero”, mbrojtësi gjerman Antonio Rudiger është përfshirë në një konfrontim fizik me lojtarin Alvaro Carreras, duke e goditur këtë të fundit me shuplakë gjatë një përplasjeje. Incidenti thuhet se ka ndodhur në qendrën stërvitore Valdebebas, mes ndeshjeve ndaj Alavés dhe Real Betis.

Ky rast konsiderohet si një tjetër sinjal i klimës së tensionuar brenda ekipit, ku sipas raportimeve ka pasur edhe përplasje të tjera mes lojtarëve dhe stafit teknik. Në veçanti, janë përmendur marrëdhënie të acaruara me trajnerin Alvaro Arbeloa, ku mesfushori Dani Ceballos raportohet të ketë pasur një konflikt që ka ndikuar në mungesën e tij në listat e ndeshjeve.

Nga ana tjetër, edhe Carreras thuhet se ka humbur vendin në formacion për shkak të pakënaqësive nga stafi dhe drejtuesit e klubit lidhur me qëndrimin e tij.

Ngjarjet e fundit hedhin hije mbi harmoninë e brendshme të klubit madrilen, në një moment të rëndësishëm të sezonit.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)