“Nuk e dija që isha shtatzënë”, shkoi në tualet pasi mbylli punën dhe lindi fëmijën

Kishin mbetur edhe pak minuta nga mbyllja e turnit në punë, kur Amethyst Blumberg, punonjëse në selinë e transporteve “FedEx” në Ioëa, ndjeu një nevojë të papritur për të shkuar në tualet. Ajo që dukej si një ditë normale pune, ndryshoi në mënyrë dramatike.

Vajza e re, nënë e një djali të vogël, ishte gati të lindte edhe fëmijën e dytë. Por, Amethyst nuk kishte dijeni se ishte shtatzënë. Sipas mediave lokale, ngjarja ndodhi rreth orës 8 të mëngjesit. “Nuk mundesha më të ngrihesha nga tualeti”, rrëfeu protagonistja.

Duke kuptuar se diçka nuk shkonte dhe se po nxirrte në jetë një fëmijë, ajo hapi derën dhe kërkoi ndihmë. Shërbimet e urgjencës mbërritën brenda pak minutash, gjithashtu edhe ambulanca. Katër minuta pasi po i jepej ndihma, foshnja lindi në dysheme, i asistuar nga personeli i emergjencës.

Një regjistrim i komunikimeve radio tregon momentin dramatik, ku një operator thotë: “Foshnja po lind tani”. Amethyst dhe fëmija u transportuan më pas në spital për kontrolle, të dy ishin në gjendje të mirë shëndetësore. Foshnja peshonte rreth 2,9 kilogramë dhe ishte 48 centimetër i gjatë.

Nëna e re tregoi se nuk kishte asnjë shenjë që ta paralajmëronte për shtatzëninë. “Me fëmijën e parë kisha të gjitha simptomat klasike, këtë herë jo. Nuk shtova peshë, madje po humbisja disa kilogramë”, tha ajo. Vetëm pak para lindjes ndjeu ndryshime të vogla: dhimbje shpine dhe lëvizje të fëmijës duke zbritur.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)