Dosja Epstein, dëshmon Hillary Clinton: Nuk e kam takuar asnjëherë, pyesni Trump për këto gjëra

Ish-sekretarja amerikane, Hillary Clinton tha në Komitetin Mbikëqyrës të Dhomës së Përfaqësuesve se nuk e njeh Jeffrey Epstein dhe nuk është takuar kurrë me të.

Burimi: BBC

26.02.2026. 18:40

Dosja Epstein, dëshmon Hillary Clinton: Nuk e kam takuar asnjëherë, pyesni Trump për këto gjëra

Ish sekretarja amerikane e Shtetit Hillary Clinton ka dalë përpara Komitetit Mbikëqyrës të Dhomës së Përfaqësuesve ku ka folur në lidhje me çështjen Epstein, pasi emri i saj dhe i bashkëshortit është përmendur disa herë në këtë dosje.

Hillary Clinton deklaroi përpara ligjvënësve se nuk kishte asnjë informacion mbi aktivitetin kriminal të financierit dhe se nuk mbante mend të ishte takuar ndonjëherë me të e jo më të kishte udhëtuar me avionin e tij privat.

“Siç e kam deklaruar në deklaratën time të betuar më 13 janar, nuk kisha asnjë ide për aktivitetet e tyre kriminale. Nuk më kujtohet ta kem takuar ndonjëherë z. Epstein. Nuk kam fluturuar kurrë me aeroplanin e tij dhe as nuk kam vizituar ishullin, shtëpitë apo zyrat e tij. Nuk kam asgjë për të shtuar për këtë.”, tha Hillary Clinton.

Me një ton aspak të qetë, ish sekretarja iu drejtua anëtarëve të Komitetit që nëse duan përgjigje për dosjet Epstein duhet të pyesin presidentin Trump.

“Ky dështim institucional është hartuar për të mbrojtur një parti politike dhe një zyrtar publik, në vend që të kërkojë të vërtetën dhe drejtësinë për viktimat dhe të mbijetuarit, si dhe publikun që gjithashtu dëshiron të shkojë deri në fund të kësaj çështjeje. Zemra ime thyhet për të mbijetuarit. Dhe jam e tërbuar në emër të tyre”, shtoi ajo.

Hillary Clinton dhe bashkëshorti i saj Bill fillimisht nuk donin të dëshmonin në këtë Komitet, por u thirrën forcërisht. Ata më pas kërkuan që seanca të ishin të hapura për publikun e gjerë.

Shkarkoni aplikacionin Newsmax Balkans:

Komente (0)