Raporti: Venezuela dhe xhihadistët në Afrikë po "mbysin" Europën me kokainë

Kokaina e prodhuar në Venezuelë po transportohet masivisht drejt Afrikës Perëndimore dhe më pas po futet në Evropë, sipas një raporti të Wall Street Journal. Hetuesit ndërkombëtarë thonë se kjo është bërë tashmë një nga rrugët kryesore të trafikut global të drogës, duke përfshirë zyrtarë të korruptuar, grupe kriminale dhe rrjete të armatosura të lidhura me xhihadistët.

Sipas raportit, droga transportohej nga Venezuela nga grupe kriminale dhe pjesëtarë të korruptuar të ushtrisë, ndërsa në Afrikën Perëndimore merret në dorë nga trafikantë të lidhur me organizata xhihadiste. Këta të fundit e transportojnë kokainën drejt Evropës, duke shfrytëzuar territore të paqëndrueshme dhe mungesën e kontrollit shtetëror.

Zyrtarë të rendit thonë se Venezuela është kthyer në një pikë strategjike të trafikut, për shkak të sigurisë së dobët dhe vijës së gjatë bregdetare. Edhe pse Trump ka tentuar të ndalojë anijet me drogë që nisen drejt SHBA-së, shumica e kokainës venezueliane po shkon drejt Evropës nëpërmjet Afrikës.

Nga Mali, droga kalon përmes Saharas drejt Algjerisë, Marokut dhe Libisë, përpara se të transportohen me anije drejt Evropës Jugore. Sipas InSight Crime, korrupsioni në portet venezueliane u lejon trafikantëve të dërgojnë mallra drejt Portugalisë dhe Spanjës pa pengesa.

Statistikat e Zyrës së Kombeve të Bashkuara për Drogë dhe Krimin tregojnë se në Evropë sot konfiskohet më shumë kokainë sesa në Amerikën e Veriut. Operacionet e fundit e vërtetojnë këtë trend. Policia spanjolle arrestoi 13 anëtarë të bandës venezueliane “Tren de Aragua”, ndërsa në Guinea-Bissau u kapën 2.6 tonë kokainë të ardhura me avion nga Venezuela.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)