La të fejuarën të ngrinte për vdekje në majë të malit, akuzohet për vrasje nga pakujdesia

Prokuroria e Innsbruck-ut ka ngritur akuza për “vrasje nga pakujdesia” ndaj Thomas Plamberger, 36 vjeç, pas vdekjes tragjike të partneres së tij 33-vjeçare, Kerstin Gurtner. Sipas hetuesve, një sërë vendimesh të gabuara gjatë ngjitjes në Grossglockner, që me lartësinë 3,798 metra është edhe maja më e lartë e Austrisë, kanë ndikuar drejt fundit fatal për të renë. Trupi i saj u gjet i pajetë të nesërmen, për shkak të të ftohtit ekstrem.

Sipas rindërtimit të ngjarjes, çifti e nisi ngjitjen në orët e para të mëngjesit, por kur po aftohej mesnata dhe moti ndryshoi, duke regjistruar erë deri në 74 km/h dhe temperatura nën zero, ata ndodheshin ende në përpjekje për të arritur majën. Një helikopter i policisë i kishte lokalizuar dhe u kishte ofruar ndihmë, por të dy e refuzuan pasi pretenduan se “ndiheshin mirë”.

Mbrojtja e Plamberger thotë se pikërisht pas këtij momenti gjendja e Gurtner u përkeqësua papritur dhe “në mënyrë të paparashikueshme”. I riu ndezi dritat e emergjencës dhe vetëm pas mesnate dërgoi kërkesë për ndihmë me telefon, por mesazhi nuk ishte dërguar.

Meqenëse ndihma nuk po mbërrinte dhe rreziku i hipotermisë shtohej, dyshja vendosi të vazhdonte lëvizjen. Rreth orës 02:00 të mëngjesit, Plamberger mori vendimin të zbriste vetëm drejt strehës më të afërt për të kërkuar ndihmë. Telefonata e dytë te shërbimet e emergjencës u bë në 03:30, ku ai njoftoi se kishte lënë pas partneren dhe kërkoi helikopter. Por stuhia e fortë e bëri fluturimin të pamundur. Ekipet nga toka mbërritën vetëm disa orë më vonë, duke gjetur Gurtner të vdekur.

Sipas prokurorisë, Plamberger konsiderohej më i përgatituri i dyshes dhe duhej të kishte udhëhequr ekspeditën. Hetuesit pretendojnë se ai u largua pa e vendosur partneren në një vend të sigurt dhe pa përdorur pajisjet e emergjencës që kishte me vete: batanijet termike apo edhe heqjen e çantës për të reduktuar humbjen e nxehtësisë. Prokuroria përmblodhi nëntë gabime të rënda, që mbështesin akuzën për vrasje nga pakujdesia, për të cilën parashikohen deri në tre vite burg.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)