“Spiuni” imun dhe i kamufluar, Ukraina shkatërrron “lodrën” më moderne të Putinit

Droni interceptues ukrainas "General Cherry EJR", i komanduar nga ekuipazhi i "Groma", pjesë e brigadës së 55-të të artilerisë së veçantë shkatërroi me sukses objektivin ajror, që është fjala e fundit e teknologjisë ruse.

Droni "Knyaz Oleg Veshti" aktualisht konsiderohet si droni më i fundit dhe një nga dronët më modernë të zbulimit rus që u shfaq në front në fund të vitit 2024 dhe fillim të vitit 2025.

Ky dron përdoret kryesisht për zbulim të thellë ajror dhe është i aftë të fotografojë dhe regjistrojë objekte 40-45 kilometra nga vija e frontit. Ndryshe nga modelet më të vjetra si Orlan ose Zala, ky dron përdor zgjidhje që janë një përgjigje e drejtpërdrejtë ndaj sfidave moderne në vijën e parë.

Ai ka imunitet ndaj ndërhyrjeve pasi përdor sisteme specifike komunikimi, duke alternuar madje kontrollin nëpërmjet kabllit optik ose kanaleve dixhitale me mbrojtje të lartë, që e bëjnë pothuajse imun ndaj sistemeve të luftës elektronike ukrainase.

Droni modern rus ka kamuflazh vizual. Ai është projektuar që të ngjajë vizualisht me dronë ukrainas. Kjo është një taktikë e qëllimshme e inxhinierëve rusë për t'i bërë njësitë e mbrojtjes ajrore ukrainase të hezitojnë të qëllojnë, duke menduar se është droni i tyre.

Hapja e krahëve të tij është 2.8 metra, gjatësia 0.82 metra dhe pesha 11 kg. "Knyaz Oleg Veshti" mund të arrijë një shpejtësi deri në 130 km/orë dhe të ngjitet në një lartësi prej 3,000 metrash. Për më tepër, droni mund të operojë pa një sistem navigimi satelitor dhe ka një kanal të sigurt rezistent ndaj luftës elektronike.

Rusia e përdor atë për detyra specifike të zbulimit të thellë, deri në 45 km, ku bllokimi elektronik është shumë i fortë për dronët standardë. Kjo është arsyeja pse burimet ukrainase e trajtojnë çdo rrëzim të këtij droni si një sukses të rëndësishëm, sepse bëhet fjalë për shkatërrimin e teknologjisë që sapo ka mbërritur nga laboratori në fushën e betejës.

"Goditja e kësaj klase të dronëve zbulues konfirmon efektivitetin e interceptorëve ukrainas në luftën kundër aseteve moderne të zbulimit ajror të armikut", vuri në dukje gjenerali Chereshnya.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)