Shpërthime të fuqishme në Kiev, alarm në të gjithë Ukrainën

Kievi u trondit nga disa shpërthime të fuqishme, teksa autoritetet ukrainase paralajmëruan për një kërcënim nga sulme me raketa ruse. Shpërthimet u dëgjuan në disa zona të qytetit. “Shpërthime në kryeqytet. Forcat e mbrojtjes ajrore janë në veprim. Qëndroni në vendstrehime!”, shkruante kryebashkiaku i Kievit, Vitali Klitschko, në aplikacionin Telegram.

Forcat Ajrore të Ukrainës shpallën alarm ajror në mbarë vendin në orët e para të mëngjesit të kësaj të shtune. “E gjithë Ukraina është nën rrezik nga raketat! Është regjistruar ngritja në ajër e avionëve MiG-31K”, njoftuan ato, duke iu referuar avionëve që transportojnë raketat hipersonike Kinzhal.

Sipas gazetës “Kyiv Independent”, Rusia ka lëshuar drejt Kievit disa raketa hipersonike Kinzhal, katër raketa balistike Iskander si dhe një grup raketash lundruese Kalibr, bazuar në të dhënat e kanaleve të monitorimit ushtarak.

Gazetarë ukrainas në terren raportojnë se shpërthime janë dëgjuar jo vetëm në Kiev, por edhe në rajonin e Oblast-it. Si pasojë e sulmeve, janë plagosur dhjetëra persona, shumë godina civile janë dëmtuar dhe ka pasur ndërprerje të energjisë elektrike në Kiev, por edhe në zonat përreth.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)