Sulmi ndaj gjeneralit rus, arrestohet në Dubai i dyshuari i tretë

Autoritetet ruse kanë ndaluar një person të tretë në lidhje me sulmin ndaj gjeneral-lejtnant Vladimir Alekseyevit, zëvendëskomandant i agjencisë së inteligjencës ushtarake GRU, i cili u qëllua më 6 shkurt në shkallët e ndërtesës së tij në Moskë.

Shërbimi Federal i Sigurisë njoftoi se i ndaluari, një shtetas rus, u arrestua në Dubai dhe u transferua me avion në Moskë.

Alekseyev, i cili arriti të mbijetojë sulmit, u nënshtrua menjëherë një operacioni urgjent për një plagë të shkaktuar nga armë zjarri në një organ jetik dhe pritet të rikuperohet plotësisht. Zyrtarët thanë se sulmuesi mund të ketë hyrë në ndërtesë duke u maskuar si postier ose shpërndarës ushqimi.

Ky është sulmi i katërt ndaj gjeneralëve të lartë të GRU-së që nga fillimi i pushtimit rus në Ukrainë. Alekseyev ka mbikëqyrur ose ka qenë i përfshirë në operacione të shumta sabotimi dhe atentatesh ndërkombëtare, përfshirë helmimin e ish-spiunit Sergei Skripal dhe sulme kibernetike ndaj strukturave politike në SHBA.

Ai ka lidhje të njohura me grupin mercenar rus Ëagner dhe udhëheqësin e tij të ndjerë, Yevgeny Prigozhin.

Zyrtarët rusë kanë fajësuar drejtpërdrejt Ukrainën për sulmet, pa ofruar prova konkrete, ndërsa hetimet mbi përgatitjen dhe motivet e sulmit vazhdojnë.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)