Mijëra trupa drejt Lindjes së Mesme, SHBA gati për javë të tëra operacionesh tokësore në Iran

Pentagoni po përgatitet për javë të tëra operacionesh tokësore në Iran, sipas zyrtarëve amerikanë të cituar nga Washington Post, ndërsa mijëra ushtarë dhe marinsat amerikanë po mbërrijnë në Lindjen e Mesme.

Vendimi për një fazë të re të luftës, nëse merret përfundimisht nga Donald Trump, mund të jetë i rrezikshëm për trupat amerikane, të cilat do të jenë të ekspozuara ndaj shumë më tepër rreziqeve sesa sot, siç janë dronët dhe raketat iraniane, madje edhe pajisjet shpërthyese të improvizuara.

Një operacion i mundshëm tokësor nuk do të përbënte një pushtim në shkallë të plotë, vëren gazeta amerikane, por mund të përfshijë bastisje nga forcat e Operacioneve Speciale dhe këmbësorisë.

Për momentin, nuk është e qartë nëse Trump do të miratojë të gjitha, disa apo asnjë nga planet e Pentagonit. Sidoqoftë, administrata Trump ditët e fundit është lëkundur midis deklarimit se lufta po mbaron dhe kërcënimit për përshkallëzim të saj.

Ndërsa presidenti ka shprehur dëshirën për të negociuar një fund të konfliktit, sekretarja e shtypit e Shtëpisë së Bardhë, Caroline Levitt, paralajmëroi të martën se nëse regjimi në Teheran nuk i jep fund ambicieve të tij bërthamore dhe nuk ndalon kërcënimet e tij kundër Shteteve të Bashkuara dhe aleatëve të saj, Trump është "i përgatitur të lëshojë të gjithë ferrin" kundër tyre.

Megjithatë, të shtunën, zëvendëspresidenti J.D. Vance, tha se lufta nuk do të zgjatet më shumë.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)