Tjetër goditje për Iranin, eliminohet “truri” i programit bërthamor

Mediat në Iran raportojnë se një shkencëtar i rëndësishëm i programit bërthamor është ekzekutuar së fundmi nga një sulm ajror.

Bëhet fjalë për Ali Fouladvand, drejtues i kërkimeve në Organizatën Iraniane për Inovacion dhe Kërkime Mbrojtëse, i cili konsiderohet si një ndër themeluesit e programit bërthamor të Iranit në vitin 2004.

Shkencëtari mësohet se ka humbur jetën në qytetin e Borujerd, së bashku me disa anëtarë të tjerë të familjes së tij, pas bombardimeve, ende pa autor.

Fouladvand ishte një figurë kyçe në mbikëqyrjen e projekteve të ndjeshme ushtarake dhe kërkimeve të avancuara, duke luajtur një rol të rëndësishëm në zhvillimin e teknologjive strategjike të mbrojtjes.

Ai kishte shpëtuar nga një sulm i mëparshëm gjatë luftës 12-ditore të qershorit të kaluar, ku gjatë incidentit gruaja e tij, Masoumeh Pirhadi, kishte humbur jetën.

Analistët vlerësojnë se sulmi mund të ketë ndikim të drejtpërdrejtë në ritmin e programeve të kërkimit të Fouladvand dhe mund të rrisë tensionet mes Teheranit dhe aktorëve ndërkombëtarë.

Autoritetet iraniane ende nuk kanë dhënë një deklaratë zyrtare mbi përgjegjësinë për sulmin.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)