Papa shkon në vendin e miliarderëve: Ndani pasuritë

Papa Leoni XVI zhvilloi një vizitë të veçantë në Monaco, ku mbajti një meshë madhështore për 15,000 besimtarë në stadiumin “Louis II”. Gjatë fjalës së tij, kreu i Kishës Katolike denoncoi luftërat e sotme që sipas tij bëhen vetëm për pushtet dhe pasuri.

Papa theksoi se çdo talent, mundësi dhe pasuri që zotërojmë ka një destinacion universal dhe duhet të përdoret për të mirën e të gjithëve.

“Qielli i mbushur me pasuri nuk është për t’u mbajtur për vete, por për t’u shpërndarë, sepse jeta e secilit duhet të përmirësohet,” tha ai, duke i bërë thirrje komunitetit ndërkombëtar të veprojë me drejtësi dhe solidaritet.

Kreu i Kishës u prit nga Princi Alberto dhe Princesha Charlene. Gjatë qëndrimit, Papa përdori një mënyrë të pazakontë mbërritjeje me helikopter, duke shmangur fluturimin mbi Francë dhe kontaktin e drejtpërdrejtë me gazetarët.

Në mesazhin e tij, Leone bëri thirrje për respekt ndaj jetës dhe për kujdes ndaj më të dobëtve.

“Çdo jetë e humbur është një plagë në trupin e Krishtit. Nuk duhet të mësohemi me zhurmën e armëve dhe imazhet e luftës. Paqja nuk është vetëm një balancim forcash, por një veprim i zemrave të pastra.”

Vizita e Papës theksoi rëndësinë e solidaritetit, drejtësisë sociale dhe paqes në një nga shtetet më të pasura të botës, duke përkujtuar se besimi duhet të shërbejë për të mirën e të gjithëve.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)