Sulm me bombë në zemër të Moskës, vritet një polic

Një shpërthim i madh ka tronditur kryeqytetin rus gjatë orëve të vona të mbrëmjes, duke shkaktuar viktima dhe panik në një nga zonat më të frekuentuara të qytetit.

Ngjarja ndodhi në sheshin përballë stacionit hekurudhor Savyolovsky në Moskë, ku humbi jetën një efektiv policie dhe u plagosën dy kolegë të tij.

Sipas njoftimit të Ministrisë së Brendshme të Rusisë dhe Komiteti Hetimor i Rusisë, shpërthimi ndodhi pranë një automjeti shërbimi të policisë së trafikut. Viktima është identifikuar si togeri i lartë Denis Bratuščenko. Autoritetet raportojnë se një person i paidentifikuar hodhi një mjet shpërthyes drejt automjetit, e filmoi incidentin dhe u largua nga vendi i ngjarjes.

Megjithatë, pas analizimit të kamerave të sigurisë dhe hetimeve në terren, hetuesit deklaruan se autori dyshohet të ketë vdekur në vend nga shpërthimi. Këto pretendime nuk janë konfirmuar në mënyrë të pavarur, raportoi The Kyiv Independent.

Stacioni Savyolovsky është një nga dhjetë terminalet kryesore hekurudhore të Moskës dhe një nyje e rëndësishme për linjat periferike drejt veriut të qytetit. Incidenti ndodhi në të njëjtën ditë kur disa shpërthime shënjestruan objekte policore në Ukrainë.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)