Katërputroshi hero, Diego ndjek për 20 km ambulancën me pronarin e sëmurë

Veprimet e një qeni të quajtur Diego janë kthyer në sensacion në Itali, pasi katërputroshi ndoqi për kilometra të tëra deri në spital, ambulancën, që transportonte pronarin e tij të sëmurë.

Historia vjen nga zona e Agro Nocerino Sarnese dhe përfshin një burrë të pastrehë të shpëtuar ditët e fundit pasi i ishte thyer femuri dhe mikun e tij të pandashëm me katër këmbë, Diegon.

Gianna Senatore, presidente e Shoqatës së Kafshëve të Nocerinos, e ndau së fundmi historinë në rrjetet sociale, duke shpjeguar se dy miqtë e pandashëm kanë jetuar krah për krah për prej kohësh në San Marzano sul Sarno, në provincën e Salernos.

Ditët e fundit, pronari i Diegos u shpëtua nga një ambulancë pas një frakture të femurit. Kur ambulanca u nis për në Spitalin Umberto I në Nocera Inferiore, qeni e ndoqi deri në spital me një përpjekje të jashtëzakonshme. Atje, ai madje u përpoq të hynte në dhomën e urgjencës, duke kërkuar pronarin e tij, por sigurimi e ndaloi.

Pas shumë mundimesh, Diego u zhduk papritur. Por historia e këtij këlyshi të madh u përhap duke vendosur gjithë qytetin në kërkim të tij. Lajmi i mirë mbërriti 24 orë më vonë dhe Diego u gjet nga një vullnetar nga Shoqata e Kafshëve Nocera në Castellammare di Stabia, mbi njëzet kilometra larg spitalit.

Pasi u identifikua, ai u shpëtua dhe u dërgua në strehën Nocera Inferiore, ku do të qëndrojë derisa pronari i tij të shërohet plotësisht.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)