Vdekja e ish-bankierit ukrainas, i biri arrestohet pasi organizoi pengmarrjen e të atit

U ndalua në Spanjë pas urdhër arrestit të Italisë, 34-vjeçari synonte ta detyronte babain të transferonte 250 mijë euro në kriptovaluta.

27.02.2026. 12:10

Vdekja e ish-bankierit ukrainas, i biri arrestohet pasi organizoi pengmarrjen e të atit

Policia italiane, me kërkesë të Prokurorisë së Milanos ka ekzekutuar të premten në Spanjë një urdhër arresti europian ndaj të birit të Alexandru Adaricit. Ish-bankieri 54-vjeçar me kombësi ukrainase dhe rumune, humbi jetën më 23 janar në Milano, pasi ra nga një “bed & breakfast” në rrugën Nerino.

I biri 34-vjeçar, akuzohet se ka marrë pjesë në pengmarrjen e babait të tij, me qëllim ta detyronte të transferonte 250 mijë euro në kriptovaluta. Hetimet e Prokurorisë së Milanos vazhdojnë për të sqaruar detajet e ngjarjes dhe përgjegjësitë. Ky ishte një rast që ka tronditur opinionin publik për mënyrën tragjike të vdekjes së ish-bankierit.

Shkarkoni aplikacionin Newsmax Balkans:

Komente (0)