Dy persona humbën jetën dhe 39 të tjerë mbetën të plagosur pasi një tramvaj që udhëtonte nga Piazza Repubblica drejt Porta Venezia në Milano doli nga shinat dhe u përplas me një dyqan.
Ngjarja ndodhi rreth orës 16:00 kur në zonën kalonin një numër i madh njerëzish, një pjesë e të cilëve u goditën nga tramvaji i dalë jashtë kontrollit.
Në momentin e aksidentit tramvaji ka qenë plot me njerëz. Shumë nga të plagosurit kanë marrë plagë të lehta, teksa vetëm dy prej tyre janë më rëndë.
Në vendngjarje shkuan menjëherë forcat e policisë dhe zjarrfikësit, të cilët me shpejtësi evakuuan njerëzit e përfshirë në këtë ngjarje.
Aktualisht shkaqet se përse tramvaji doli nga shinat ende nuk janë zbardhur, teksa prokuroria e Milanos ka nisur dhe një hetim.
Shkarkoni aplikacionin Newsmax Balkans:
Mund ta shkarkoni aplikacionin Newsmax Balkans nga Google Play dhe App Store.
Komente (0)