Irani nis një tjetër sulm ndaj Izraelit, dronët godasin një bazë në ajrore në Kuvajt

Irani ka nisur një tjetër valë sulmesh me raketa drejt Izraelit gjatë së shtunës, duke treguar edhe njëherë se tensionet në Lindjen e Mesme nuk kanë ndërmend të ulen.

Ushtria izraelite njoftoi se ka interceptuar një valë të re raketash të lëshuara nga territori iranian, ndërsa sistemet e mbrojtjes ajrore janë aktivizuar për t’i ndaluar ato. Autoritetet u kanë bërë thirrje qytetarëve në zonat e rrezikuara të strehohen në vende të sigurta.

Ndërkohë, situata e tensionuar është reflektuar edhe në Kuvajt. Ushtria e këtij vendi bëri të ditur se sistemet e mbrojtjes ajrore po përballen me sulme me raketa dhe dronë.

Ministria e Mbrojtjes së Kuvajtit njoftoi se shtatë dronë armiqësorë janë zbuluar gjatë ditës. Dy prej tyre goditën bazën ajrore Ahmed Al-Jaber, duke shkaktuar dëme materiale dhe duke plagosur tre ushtarakë. Tre dronë të tjerë u rrëzuan nga mbrojtja ajrore, ndërsa dy ranë jashtë zonës së rrezikut.

Nga ana tjetër, edhe vetë Irani është përballur me sulme. Sipas mediave iraniane, të paktën 15 persona kanë humbur jetën pas goditjeve në një zonë industriale në provincën Isfahan.

Raportohet se sulmi goditi një fabrikë që prodhon pajisje për ngrohje dhe ftohje, në momentin kur disa punëtorë ndodheshin në punë. Përveç viktimave, disa persona të tjerë kanë mbetur të plagosur.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)