“Hormuzi mbetet i mbyllur”, New York Times: Asnjë cisternë nafte nuk ka kaluar

Sipas gazetës amerikane New York Times, asnjë cisternë nafte apo anije për transport gazi nuk ka kaluar nëpër Ngushticën e Hormuzit që nga momenti kur hyri në fuqi armëpushimi ndërmjet Shteteve të Bashkuara dhe Iranit. Gazeta amerikane citon të dhënat e kompanisë globale të gjurmimit të anijeve “Kpler”.

Sipas të përditshmes, vetëm katër anije që transportojnë ngarkesa të thata kanë arritur të kalojnë këtë korridor strategjik detar. Sipas mediave iraniane, Ngushtica e Hormuzit është raportuar si “plotësisht e mbyllur”, duke detyruar cisternat e naftës të kthehen mbrapsht.

Ndërkohë, grupi libanez Hezbollah ka deklaruar se ka lëshuar disa raketa drejt Izraelit si përgjigje ndaj shkeljes së armëpushimit mes Shteteve të Bashkuara dhe Iranit, raportoi AFP. Deklarata vjen pasi lëvizja kishte theksuar se ka të drejtë të reagojë ndaj një serie sulmesh izraelite që kanë goditur territorin e Libanit.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)