Vrau 8 gra, arkitekti i njohur pranon në gjyq se është vrasës serial

Një arkitekt i njohur nga Long Island në Nju Jork pranoi në gjykatë të mërkurën se u kishte marrë jetë tetë grave në sulme që datojnë që nga vitet 1990, në zonën e Gilgo Beach.

Pranimi i fajësisë nga ana e Rex Heuermann i jep fund një rasti famëkeq të vrasësve serialë që i pengoi hetuesit derisa provat e ADN-së ndihmuan në arrestimin e tij në vitin 2023. Heuermann, tani 62 vjeçar, rrëfeu në sallën e gjyqit se i kishte mbytur gratë, shumica e të cilave ishin në të 20-at, dhe i kishte copëtuar disa prej tyre para se t'i hidhte trupat e mbështjellë me çarçafë.

Zyra e prokurorit të qarkut Suffolk e kishte akuzuar atë për shtatë vrasje, të cilat ndodhën midis viteve 1993 dhe 2010, dhe Heuermann ishte caktuar për gjyq në vjeshtë. Gjatë paraqitjes së tij të mërkurën, ai pranoi një vrasje të tetë që nuk ishte midis akuzave, ndërsa prokurorët thanë se ai pritet të marrë një dënim me burgim të përjetshëm pa të drejtë lirimi me kusht kur të kthehet në gjykatë në qershor.

Vrasjet në Gilgo Beach tërhoqën vëmendjen kombëtare pasi policia gjeti grupe të shumta mbetjesh njerëzore në vitin 2010 dhe 2011 përgjatë një pjese të izoluar të Gilgo Beach, rreth 48 km në lindje të New York City, jo shumë larg me makinë nga shtëpia e Heuermann.

Hetimi, i cili dështoi të identifikonte një të dyshuar për vite me radhë, frymëzoi filma dhe dokumentarë. Hetuesit arritën ta lidhnin Heuermann me çështjen pjesërisht duke përdorur ADN-në që mblodhën nga një brumë pice që një ekip mbikëqyrjeje e pa të hidhte ndërsa e ndiqte në Manhattan.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)