Miliona njerëzve u pëlqen, por ky është fruti më i rrezikshëm që mund të konsumoni

Një mjek amerikan ka bërë një deklaratë të diskutueshme lidhur me një nga frutat më të konsumuar në botë. Bëhet fjalë për bananet. Dr. Daniel Pompa, një specialist i shëndetit qelizor nga Utah me mbi 1,9 milion ndjekës në Instagram, tha se ky frut mund të jetë i dëmshëm për organizmin.

Në një video, Dr. Pompa deklaroi: “Mendoj se ky është fruti më i rrezikshëm që mund të hamë. Nuk është aspak i shëndetshëm, por prindërit u’a japin fëmijëve të tyre. Madje ndodhet edhe në lëngjet e ashtuquajtura të shëndetshme”.

Sipas tij, problemi nuk është vetëm përmbajtja e sheqerit, por mënyra industriale e prodhimit të bananave. Dr. Pompa tha se frutat shpesh trajtohen me fungicide dhe etilen, një hormon bimor që përdoret për të stimuluar pjekjen. Këto substanca mund të përfundojnë në frut dhe për pasojë, në trupin e njeriut.

Ai shtoi gjithashtu shqetësime për një lloj sheqeri të quajtur amiloza, i cili sipas mjekut mund të përkeqësojë inflamacionin, artritin dhe simptomat e tjera shëndetësore tek personat me ekspozim ndaj mykut. Dr. Pompa i referohet këshillave të specialistit të mykut, Dr. Richie Shoemaker, i cili këshillonte që njerëzit me toksicitet nga myku të shmangin bananet.

Deklarata e mjekut ka shkaktuar debat në rrjetet sociale, ndërsa ekspertë të tjerë të shëndetit nënvizojnë se banania mbetet një burim i mirë fibrash, vitaminash dhe mineralesh. Ata kanë paralajmëruar konsumatorët të mos bazojnë dietën e tyre vetëm mbi lajmet virale.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)