Kronikë
Pas 8 orësh bllokim, hapet rruga Librazhd- Qafë Thanë
Pas tetë orësh bllokim është hapur një korsi e rrugës Librazhd- Qafë Thanë, në vendin e quajtur Dragostunjë.
19:55 1 ditë më parë01.02.2026.
AutoriBE i heq masat Kosovës, Rama ndërhyn teksa Osmani po jepte lajmin
Kosova ka siguruar heqjen e plotë të masave të vendosura nga Bashkimi Europian, një vendim që u konfirmua në përfundim të Samitit BE-Ballkani Perëndimor në Bruksel, duke hapur rrugën edhe për zhbllokimin e fondeve europiane.
18.12.2025. 08:59
Nga Brukseli, Vjosa Osmani ka deklaruar se deri në fund të janarit do të hiqen të gjitha masat e vendosura nga BE ndaj Kosovës.
Presidentja e Kosovës sqaroi se procesi i heqjes së masave do të realizohet në dy faza. Sipas saj, një pjesë e konsiderueshme e masave do të hiqet menjëherë, ndërsa pjesa e mbetur pritet të përfundojë në fund të muajit janar.
“Gjatë bisedimeve intensive me partnerët tanë u mor vendimi që të gjitha masat t’i hiqen Kosovës, ku një pjesë e madhe i hiqet sot, kurse pjesa tjetër në fund të janarit. Rrjedhimisht, edhe fondet do të zhbllokohen, një pjesë shumë e madhe menjëherë e një pjesë tjetër në fund të janarit”, deklaroi Osmani.
Gjatë njoftimit të vendimit, përmes një video u shfaq edhe kryeministri i Shqipërisë, Edi Rama, i cili përgëzoi presidenten Osmani për rezultatin e arritur dhe e cilësoi vendimin si një hap pozitiv për Kosovën dhe rajonin.
Nga ana e saj, Osmani e falënderoi Ramën për angazhimin dhe mbështetjen e dhënë në procesin e lobimit, duke theksuar rolin e koordinimit me partnerët ndërkombëtarë në arritjen e këtij rezultati.
Shkarkoni aplikacionin Newsmax Balkans:
Komente (0)