Mediat britanike shkruajnë për vdekjen tragjike të Shpat Kasapit: Ylli i popit shqiptar, reagoi edhe Bebe Rexha

Lajmi tragjik për ndarjen nga jeta të këngëtarit të njohur shqiptar Shpat Kasapi ka shkaktuar jehonë përtej kufijve të Ballkanit, duke prekur edhe median britanike, e cila i ka kushtuar hapësirë të gjerë kësaj humbjeje të rëndë.

DailyMail dhe Daily Star raportuan gjerësisht për vdekjen e artistit 40-vjeçar, i cili u nda papritur nga jeta në Monza të Italisë pas një ataku kardiak. Kasapi ndodhej atje së bashku me bashkëshorten, Selvije Jao, për të kërkuar ndihmë mjekësore për djalin e tyre të vogël, Roel. Pikërisht Selvije ishte ajo që konfirmoi lajmin me një postim tejet emocional, ku tregoi se Shpati “vdiq në krahët e saj”, duke ndarë dhimbjen dhe historinë e lidhjes së tyre të fortë.

DailyMail publikoi edhe fragmentet prekëse të dedikimit të saj, ndërsa solli në vëmendje reagimin e Bebe Rexhës, e cila nderoi këngëtarin me një video dhe simbolet e paqes.

Media britanike rikujtoi sukseset e Kasapit gjatë dy dekadave të karrierës, nga hitet e viteve 2000 deri te kënga e fundit N’dahëm sot.

Raportimet e huaja e përshkruajnë Kasapin si një artist të dashur dhe ikonë të muzikës shqiptare, duke theksuar se humbja e tij ka lënë një boshllëk të madh te familja dhe publiku.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)