I dënuar për prostitucion, ‘Diddy’ lë pa rroga punonjësit dhe avokatët

Bashkëpunëtorët e Sean "Diddy" Cobbs po ankohen se nuk po paguhen ose po paguhen me vonesë, në një kohë kur këngëtari po vuan dënimin në një burg federal amerikan.

Sipas burimeve me njohuri të drejtpërdrejta mbi çështjen, të cituara nga TMZ, asetet dhe detyrimet financiare të Diddy-t po menaxhohen nga kompania e tij e menaxhimit të biznesit Tri Star Sports & Entertainment ndërsa ai është në burg, gjë që thuhet se po shkakton pakënaqësi tek disa nga stafi dhe bashkëpunëtorët e tij.

TMZ raporton se disa punonjës duken të zemëruar sepse besojnë se kontrolli i parave të tij është i rreptë, gjë që, sipas të njëjtave burime, ka çuar në vonesa në pagesa. Referencë e veçantë u bëhet avokatëve që trajtojnë një numër të madh çështjesh civile kundër reperit dhe që dyshohet se nuk janë paguar.

Nga ana e tij, përfaqësuesi i Diddy-t, Judah Engelmayer, i hedh poshtë akuzat, duke thënë se "të gjithë, stafi dhe avokatët paguhen dhe askush nuk po largohet".

Sean "Diddy" Cobbs po vuan një dënim prej 50 muajsh në burgun federal të sigurisë së ulët FCI Fort Dix në Neë Jersey, pasi u dënua për dy akuza për transportimin e grave për qëllime prostitucioni. Ai mban komunikim të shpeshtë me familjen e tij dhe është vizituar nga djali i tij, Justin, ditën e Krishtlindjeve.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)