Vinin nga Kosova, zbulohet magazinë me armë në Tiranë, 4 të arrestuar

Një depo armësh është zbuluar nga policia në Tiranës, pas një hetimi dy mujor që ka çuar në arrestimin e katër personave. Mësohet se armët të llojit pistoletë dhe automatikë, fishekë dhe pjesë për montimin e tyre, depozitoheshin në një magazinë në zonën e Selitës, pasi transportoheshin drejt kryeqytetit nga Kosova.

Policia e Tiranës njofton se në kuadër të operacionit të koduar “Lockdoën” kanë rënë në pranga shtetasit Gloris Nezaj (39 vjeç), Rezarto Rumi (48 vjeç), Kelvin Caushi (49 vjeç) dhe Ardjan Caushi (45 vjeç).

Hetimet kanë zbuluar një strukturë ku armët modifikoheshin dhe magazinoheshin për t’u shitur më pas në Tiranë, ndërsa katër të arrestuarit akuzohen për trafik dhe shitje armësh zjarri.

Nën drejtimin e Prokurorisë, policia po vijon punën për identifikimin dhe kapjen e personave të tjerë të përfshirë në këtë aktivitet kriminal.

Gjatë kontrollit të banesave dhe ambienteve të përdorura nga grupi, policia sekuestruar:

-8 armë zjarri (5 pistoleta dhe 3 automatikë)

-Pjesë të ndryshme armësh

-Një armë gjahu

-Krehra dhe municion luftarak

-3 radio si ato të policisë

-Një jelek multifunksional

-9 celularë

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)