Familja që u shua në Itali, identifikohen viktimat, zbulohen shkaqet e vdekjes

Janë identifikuar anëtarët e familjes shqiptare që humbën jetën në Itali si pasojë e intoksikimit nga gazi në banesën e tyre. Shkak mendohet të ketë qenë rrjedhja nga një kaldajë e prishur.

Burimi: Il fatto quotidiano

05.02.2026. 09:47

Familja që u shua në Itali, identifikohen viktimat, zbulohen shkaqet e vdekjes

Janë identifikuar 4 anëtarët e familjes shqiptare, që humbën jetën në mënyrë tragjike në Itali, si pasojë e intoksikimit nga monoksidi i karbonit në banesën e tyre.

Sipas mediave italiane, viktimat janë Arti Kola 48 vjeç, Jonida Kola 43 vjeç dhe fëmijët e tyre Hajdar dhe Xhesika 20 dhe 15 vjeçarë.

Në spital në gjendje të rëndë ndodhet dhe vëllai i kryefamiljarit Arti Kola, i cili gjithashtu mbeti i intoksikuar rëndë, si pasojë e intoksikimit nga një kaldajë e prishur.

Tragjedia ndodhi në një banesë në Rughi të procincës së Luccës, ku shqiptarët jetonin prej vitesh dhe njiheshin në komunitetin e qytetit të vogël.

Alarmin e dha pikërisht vëllai i Artit i cili ishte përpjekur të komunikonte me ta, por nuk kishte mundur dhe për këtë arsye kishte shkuar në banesë ku i kishte gjetur të 4 familjarët e tij në tokë.

Të intoksikuar kanë mbetur dhe 3 karabinierë që shkuan të parët në banesën nga ku u kërkua thirrja për ndihmë.

Një makinë mjekësore nga Lucca, ambulanca nga Kryqi i Kuq i Lucca-s, Kryqi i Gjelbër i Porcarit dhe Misericordia di Santa Gemma Galgani shkuan menjëherë në vendngjarje, por nuk mundën të bënin asgjë për familjen.

Policia ka nisur një hetim për të zbardhur shkaqet e kësaj tragjedie.

Shkarkoni aplikacionin Newsmax Balkans:

Komente (0)