Dhunimi i avokatit Cakrani, Meta kërkon arrestimin e autorëve, Berisha: Krim shtazarak shtetëror

Dhunimi i avokatit të njohur Kujtim Cakrani gjatë ditës së sotme në Vlorë ka nxitur një reagim të ashpër nga klienti i tij, ish-Presidenti Ilir Meta.

Nga qelia, përmes një postimi në rrjetet sociale, Meta ka dënuar sulmin ndaj avokatit dhe u ka bërë thirrje autoriteteve që të veprojnë për të vendosur agresorët përpara ligjit.

“Dënoj me ashpërsi sulmin ndaj Avokatit Kujtim Cakrani nga dy banditë, të cilët jo vetëm duhet të identifikohen, por edhe të vendosen para ligjit sa më shpejt. Nuk është hera e parë, që sulmohen avokatët sepse jetojmë në një regjim ku ata konsiderohen jo vetëm të panevojshëm, por edhe problematikë. Solidaritetin tim të plotë me Avokatin Cakrani, me familjen e tij, si edhe me të gjithë kolegët”, tha Meta.

Edhe kryedemokrati Sali Berisha e ka dënuar ashpër sulmin ndaj Cakranit, duke e cilësuar si një “akt kriminal shtetëror të shëmtuar”. Sipas Berishës detyra e tij si avokat është bërë shkak që të dhunohet shtazërisht.

LEXO MË SHUMË

Kronikë

Dhunohet në një pikë karburanti në Vlorë, avokati i Ilir Metës

Avokati i njohur Kujtim Cakrani është dhunuar mesditën e së dielës nga dy persona, në një pikë karburanti, në qytetin e Vlorës. Ai ndodhet i shtruar në reanimacion në spitalin e qytetit, ku po trajtohet me ndihmë mjekësore pasi ka pësuar një frakturë të rëndë në kokë.

16:20 6 h më parë08.02.2026.

Autori

Politikë

Ilir Meta tregon pasurinë e tij, avokati: Po qëndron në kushte jashtë standardeve ligjore

Avokatët e kreut të Partisë së Lirisë, Ilir Meta dhe Sekretari i Përgjithshëm i kësaj partie në një konferencë për mediat janë shprehur se ish presidenti është në kushte paraburgimi që kalojnë standardet ligjore.

11:43 25 ditë më parë14.01.2026.

Autori

Politikë

Gjykata e Posaçme rrëzon kërkesën e Ilir Metës për lirimin nga burgu

Tjetër refuzim i GJKKO ndaj kreut të Partisë së Lirisë, avokati Cakrani: “Nuk mund të ofrojë garanci pasurore”.

15:33 34 ditë më parë05.01.2026.

Autori

“Dhunimi i Avokatit Kujtim Cakrani, një akt kriminal shtetëror i shëmtuar. Të dashur miq, sot avokati i mirënjohur Kujtim Cakrani që sot është dhe avokati i ish-Presidentit dhe kryetarit të Partisë së Lirisë, Ilir Meta goditet shtazërisht pa asnjë shkak, por vetëm e vetëm për shkak të detyrës dhe shtrohet në spital me fraktura në kokë”, shkruan Berisha në rrjetin social Facebook.

Në vijim, në emër të PD, Berisha i uron shërim të shpejtë avokatit dhe akuzon kryeministrin Edi Rama si sponsorizues të dhunës ndaj drejtësisë.

“Partia Demokratike i uron shërim të shpejtë dhe të plotë Avokatit Kujtim Cakrani, dënon me forcën më të madhe këtë akt shtazor si një krim të shëmtuar të parapregatitur shtetëror të frymëzuar dhe sponsorizuar nga Edi Rama dhe organizata e tij kriminale dhe ju rikujton atyre se përgjegjësia direkte është e tyre dhe se drejtësia vonon por nuk harron”, shprehet Berisha.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)