Një 63-vjeçar në Tiranë është arrestuar, pasi e kishte kthyer banesën në një depo të mirëfilltë armësh. Policia e kryeqytetit njoftoi finalizimin e operacionit “Kllojka”, për goditjen e veprimtarisë kriminale të armëmbajtjes pa leje.
Në shtëpinë e shtetasit me inicialet M. Ç., banues në fshatin Kllojkë të Bërzhitës, uniformat blu sekuestruan 2 armë zjarri, 3 armë gjahu, 2 armë të ftohta dhe municion luftarak. Poseduesi i armëve u vu në pranga.
Njëra prej armëve të zjarrit ishte automatik, ndërsa tjetra pushkë. Materialet procedurale iu referuan Prokurorisë së Tiranës, për veprime të mëtejshme.
Shkarkoni aplikacionin Newsmax Balkans:
Mund ta shkarkoni aplikacionin Newsmax Balkans nga Google Play dhe App Store.
Komente (0)