Shpërndanin drogë dhe mbanin armë, arrestohet xhaxhai me dy nipat në Shkodër

Policia në Shkodër ka arrestuar një 36-vjeçar dhe dy nipat e tij, një prej të cilëve i mitur, pasi është konstatuar se shpërndanin lëndë narkotike dhe qarkullonin me armë në qytet.

Në pranga ka rënë Zef Marashi dhe dy nipat e tij, 18-vjeçari Mateo Marashi dhe vëllai i tij i adoleshent.

“Gjatë operacionit të koduar “Delivery”, shërbimet e Policisë kapën në flagrancë 2 shtetas të cilët po qarkullonin me motomjet, me qëllim shitjen e dozave të kanabisit. Gjatë kontrollit fizik ndaj 17-vjeçarit që drejtonte motomjetin, pa leje drejtimi, dhe ndaj pasagjerit, shtetasit M. M., shërbimet e Policisë gjetën sasi lënde të dyshuar narkotike kanabis të ndarë në dhjetëra doza gati për shitje. Në vijim, gjatë kontrollit në banesën e shtetasit M. M., ku qëndronin dhe shtetasit P. M. (vëllai i tij) dhe Z. M. (xhaxhai i tyre), shërbimet e Policisë gjetën një sasi lënde të dyshuar narkotike kanabis, të ndarë në rreth 280 doza, me qese farmaceutike, 1 armë zjarri pushkë, 1 armë zjarri pistoletë, municion luftarak dhe 4 celularë. Në përfundim të veprimeve procedurale të kryera nga specialistët e Sektorit për Hetimin e Narkotikëve u arrestuan në flagrancë shtetasit: M. M., 18 vjeç, Z. M., 36 vjeç dhe shtetasi i mitur 17 vjeç nisi procedimi në gjendje të lirë për shtetasin P. M., 20 vjeç”, informon policia.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)