Një aksident i rëndë rrugor ka ndodhur mbrëmjen e kësaj të diele në aksin Vlorë-Kotë, duke u marrë jetën dy personave.
Sipas informacioneve paraprake, dy automjete janë përplasur me njëra-tjetrën në rrethana që ende nuk janë zbardhur plotësisht. Si pasojë e përplasjes së fortë, drejtuesit e të dy mjeteve kanë humbur jetën në vendngjarje.
Ndërkohë, një pasagjer ka mbetur i plagosur dhe është transportuar me urgjencë drejt spitalit për të marrë ndihmë mjekësore.
Forcat e policisë dhe grupi hetimor kanë mbërritur në vendin e ngjarjes dhe po punojnë për të sqaruar shkaqet e aksidentit, si dhe për të identifikuar viktimat.
Shkarkoni aplikacionin Newsmax Balkans:
Mund ta shkarkoni aplikacionin Newsmax Balkans nga Google Play dhe App Store.
Komente (0)