Elbasani-Tirana, bazazim mes polemikave, Vllaznia mposht Flamurtarin

Java e 18-të e Kategorisë Superiore dhuroi emocione të forta, polemika dhe gola, me dy ndeshjet e fundit Elbasani-Tirana dhe Vllaznia-Flamurtari.

Në “Elbasan Arena”, Elbasani dhe Tirana u ndanë në barazim 1-1 në një takim të shoqëruar me tensione dhe ndërprerje. Pjesa e parë u mbyll pa gola, ndërsa në fraksionin e dytë bardheblutë kaluan në avantazh në minutën e 65-të me Tabekun. Kur dukej se Tirana po kontrollonte lojën, në minutën e 77-të gjyqtari Alla akordoi penallti për Elbasanin, vendim që shkaktoi protesta nga lojtarët e Tiranës. Tsage u tregua i saktë nga pika e bardhë duke barazuar shifrat. Pas golit, Tirana vendosi të braktiste përkohësisht fushën, por pas disa minutash loja rinisi dhe u mbyll në minutën 90+13 me rezultatin 1-1.

Ndërkohë, në “Loro Boriçi”, Vllaznia triumfoi 3-2 ndaj Flamurtarit në një ndeshje spektakolare. Balaj ishte protagonist absolut për shkodranët me dy gola, një në minutën e 4-t dhe një nga penalltia në të 24-ën, ndërsa Jago shënoi golin e tretë në fillim të pjesës së dytë. Për Flamurtarin realizuan Maksuti dhe Diavara, por nuk mjaftoi për të shmangur humbjen. Me këtë fitore, Vllaznia merr tre pikë të rëndësishme, ndërsa Flamurtari largohet me zhgënjim pas një performance dinjitoze.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)