Partizani përmbys Flamurtarin, kap Dinamon në vendin e katërt

Java e 25-të e Kategorisë Superiore u mbyll me fitoren dramatike të Partizanit në fushën e Flamurtarit. Sfida në Vlorë u mbyll me suksesin 2-1 të të kuqve, që dhuruan një provë force dhe karakteri.

Flamurtari nisi më mirë takimin dhe kaloi në avantazh pas vetëm 8 minutave lojë, falë goditjes së bukur nga distanca të Maksutit. Por gëzimi i vendasve zgjati pak, pasi në fundin e pjesës së parë Sidibe fitoi penallti pas ndërhyrjes së sistemit VAR dhe e realizoi vetë, duke barazuar rezultatin në 1-1.

Pjesa e dytë u shoqërua me emocione të forta. Sidibe realizoi përmbysjen e madhe për Partizanin, duke shfrytëzuar një gabim të mbrojtjes së Flamurtarit dhe vulosi rezultatin 2-1. Hero i ndeshjes ishte gjithashtu edhe portieri Pano Qirko, i cili shpëtoi Partizanin duke pritur një penallti të dytë të akorduar nga sistemi VAR, por këtë herë për vendasit.

Tentativa e Markut të në 74-ën u neutralizua nga portieri. Ai moment ishte vendimtar për ti dhënë Partizanit fitoren, falë së cilës barazojnë Dinamon në vendin e katërt në renditje. Për Flamurtarin, që ishte pa trajnerin Moreiro për shkak të problemeve shëndetësore të teknikut, kjo disfatë dramatike e përkeqëson situatën në këtë sezon, pasi vlonjatët mbeten të fundit në renditje.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)