Përgatitje ushtarake për të mposhtur Interin, sekreti i “vikingëve” që thyen zikaltërit

Sukseset e mëdha, mbështeten përgjithësisht te historitë e pazakonta. Jashtë këtij konteksti nuk mund të qëndronte edhe surpriza e jashtëzakonshme e këtij edicioni të Champions League. Bëhet fjalë për klubin norvegjez të Bodø/Glimt.

Në startin e sezonit, periudhë gjatë së cilës lojtarët e skuadrës nuk po e përballonin presionin e ndeshjeve të mëdha, trajneri Kjetil Knutsen zgjodhi një taktikë të padëgjuar. Ai thirri një mikun e tij ish-ushtarak, për të punuar si psikolog i ekipit.

Profesionisti i disiplinës ushtarake u fokusua te një ide e qartë: lojtarët duhet të besojnë se mund të fitojnë kundër çdo kundërshtari në botë. Ai i mësoi si të performojnë nën presion, duke ndërtuar rezistencë mendore dhe siguri në fushë.

Rezultatet folën qartë: Bodø/Glimt arriti në 1/8 e Champions, duke mundur Interin në dy ndeshje të fazës “play-off” me rezultatet 3-1 në Bodø dhe 2-1 në Milano. Më parë në rrugën e tyre ata kishin barazuar 2-2 me Borussia Dortmund, mposhtën 3-1 Manchester City dhe fituan 2-1 në fushën e Atletico Madrid. “Superfuqitë” e Europës u dorëzuan përballë përgatitjes ushtarake të skuadrës nga fshati modest i peshkatarëve në Norvegji.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)