Al Nassr drejt vendimit historik, Cristiano Ronaldo mund të luajë me djalin në ekipin e parë

Al Nassr po e shqyrton seriozisht që ti plotësojë një ëndërr të kamotshme legjendës portugeze të futbollit, Cristiano Ronaldo. Teksa vijon rrugëtimin e tij për të shënuar 1000 gola në karrierë, CR7 mund të arrijë edhe një tjetër objektiv, ai i të zbriturit në fushën e blertë, përkrah të birit, Cristiano Jr.

Al Nassr po mendon seriozisht promovimin e Cristiano Junior në ekipin e parë për sezonin e ardhshëm, duke hapur mundësinë historike për ta parë 12-vjeçarin në fushë së bashku me babain e tij në ligën e parë saudite.

Sipas thashethemeve nga alweeam.com, drejtuesit e klubit të Riadit do të marrin vendimin përfundimtar në fund të sezonit, në varësi të një vlerësimi teknik të aftësisë së talentit të ri për të kontribuar në projektin sportiv të verdhebluve.

Me CR7 ende nën kontratë për një vit tjetër dhe i vendosur për të fituar kampionatin këtë sezon, promovimi i djalit të tij në radhët profesionale do të përfaqësonte një arritje të paprecedentë në marketing në historinë e futbollit global.

Qëllimi i klubit është të maksimizojë performancën e trajnerëve të të gjithë familjes Ronaldo, duke përmbushur dëshirën e legjendës portugeze për ta përcjellë trashëgiminë e tij direkt në fushë para se të tërhiqet.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)