Përmendej në dosjen Epstein, dorëhiqet nga posti Miroslav Lajçak

Ish-ministri i Jashtëm i Sllovakisë dhe ish-emisari për dialogun Kosovë–Serbi, Miroslav Lajçak, ka dhënë dorëheqjen nga posti i këshilltarit të kryeministrit Robert Fico, pas publikimit të disa komunikimeve të tij me Jeffrey Epstein, abuzuesin e dënuar seksual. Lajmi është raportuar nga mediat sllovake.

Në një deklaratë publike, Lajçak ka dënuar ashpër krimet e kryera nga Epstein, duke theksuar se nuk kishte dijeni për veprimtarinë kriminale dhe përmasat e plota të skandalit në kohën kur kishte pasur komunikime me të. Ai shtoi se, po t’i kishte ditur këto fakte më herët, nuk do të kishte pasur asnjë kontakt.

Kryeministri Robert Fico njoftoi se ka pranuar dorëheqjen e Lajçakut, duke e vlerësuar atë si një diplomat me përvojë të jashtëzakonshme. “Miro e ka dëshmuar edhe një herë veten si një diplomat i shkëlqyer. Me largimin e tij, humbasim një burim të rëndësishëm përvoje në diplomaci dhe politikë të jashtme”, deklaroi Fico.

Megjithatë, kreu i qeverisë sllovake kritikoi mediat dhe opozitën, duke theksuar se sipas tij, vëmendja publike nuk është fokusuar në raste të tjera që, siç u shpreh ai, përbëjnë rrezik më të madh për reputacionin e vendit.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)