Stjuardesa “tap” në avion, e lidhin me rrip sigurimi dhe e arrestojnë në ulje

Një stjuardesë e kompanisë British Airways është pushuar nga puna pasi u kap në gjendje të dehur gjatë një fluturimi.

Bëhet fjalë për Deborah Merritt, 59 vjeç, e cila rezultoi gati tetë herë mbi limitin e lejuar të alkoolit për personelin ajror. Ngjarja ndodhi gjatë një fluturimi treorësh nga Malaga drejt Heathrow, ku stjuardesa u vu re nga kolegët duke lëvizur me vështirësi në kabinë.

Sipas raportimeve, ajo u dërgua në pjesën e pasme të avionit dhe u sigurua me rrip në një vend për ulje deri në aterrim, ndërsa më pas u arrestua nga autoritetet. Testi i parë tregoi 70 mikrogramë alkool në 100 ml frymëmarrje, ndërkohë që kufiri ligjor për ekuipazhin është vetëm 9 mikrogramë.

Gjatë seancës në gjykatën e Uxbridge Magistrates' Court, avokati mbrojtës deklaroi se Merritt kishte konsumuar disa shishe verë një ditë më parë për shkak të stresit familjar dhe kishte menduar se alkooli do të ishte eliminuar nga organizmi.

Vetë stjuardesa pranoi akuzën, duke shprehur keqardhje të thellë për ngjarjen dhe duke deklaruar se është e shkatërruar nga fakti që nuk mund të ushtrojë më profesionin e saj pas një karriere 37-vjeçare pa probleme.

Gjykata e dënoi atë me një gjobë prej 768 paundësh, si dhe shpenzime shtesë prej 392 paundësh, ndërsa kompania ajrore vendosi ta largojë menjëherë nga detyra.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)