“S’mund të lavdërosh Allahun”, Mateo Salvini heq nga listat e Lega Nord dy kandidatët myslimanë

Kandidatura e dy përfaqësuesve të komunitetit mysliman në zgjedhjet komunale të Vigevanos në Itali, e ka zemëruar kreun e partisë nacionaliste ‘Lega Nord’, Matteo Salvini.

Udhëheqësit lokalë të lëvizjes ishin të pakënaqur me zgjedhjen dhe këmbëngulën në heshtje, por lideri i ‘Lega Nord’ nuk u rezervua aspak, duke e hedhur poshtë menjëherë përfshirjen e dy qytetarëve myslimanë në listat e partisë, dhe duke e cilësuar si një gabim.

"Ata nuk e përfaqësojnë Lega Nord! Kushdo që i zgjodhi ata bëri një gabim”. Këto janë fjalët e përdorura nga zv/kryeministri dhe Ministri i Transportit të Italisë.

“Ne kemi kandidatë dhe kemi përfaqësues të komunave të shumë etnive të ndryshme, të shumë kombësive dhe shumë feve, por nuk mund të bësh propagandë zgjedhore duke lavdëruar Allahun ose të bësh një fletushkë ndërsa mban një hixhab”, ka thënë Salvini.

Ndërkohë, njëri nga dy kandidatët, Hussein Ibrahim, i cili është edhe zëdhënës i bashkësisë islame të qytetit, u përgjigj duke thënë se mendonte se kandidimi i tij ishte një shembull i integrimit të plotë në shoqërinë italiane.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)