Moti i keq godet Spanjën, mbyllen shkollat në Andaluzi, qindra të evakuuar

Jugu i Spanjës është goditur nga një stuhi e fuqishme që ka sjellë reshje të dendura shiu, me rrezik të lartë për përmbytje sidomos në rajonin e Andaluzisë.

Sipas Agjencisë Shtetërore të Meteorologjisë paralajmërime të kuqe janë lëshuar në zonat e Sierra e Cadiz dhe në pjesën e brendshme të provincës Malaga, ku priten mbi 200 mm shi brenda 24 orësh.

Këshilli i Andalusisë ka pezulluar mësimin në klasa në të gjithë rajonin, përveç provincës Almeria, dhe ka aktivizuar nivelin e dytë të planit të emergjencës për rrezikun hidrogeologjik.

Në Cadiz, lumi Guadalete ka arritur nivele kritike. Autoritetet e mbrojtjes civile kanë urdhëruar evakuimin të rreth 900 personave në zonën e Jerez de la Frontera. Për të përballuar situatën, janë mobilizuar 250 anëtarë të Njësisë Ushtarake të Emergjencës.

Guvernatori i Andalusisë, Juanma Moreno, e ka cilësuar situatën si një "fenomen të jashtëzakonshëm dhe të rrallë", duke kërkuar nga qytetarët që të kufizojnë lëvizjet vetëm për nevoja të domosdoshme.

Agjencia Shtetërore e Meteorologjisë paralajmëron se moti i keq mund të zgjasë deri të premten, me reshje të dendura, erëra të forta, fenomenet bregdetare dhe rrufe të forta që do të prekin pjesën më të madhe të jugut të Gadishullit Iberik.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)