Kamerieri i tha se kuzhina ishte e mbyllur, i moshuari në Itali nxjerr pistoletën dhe kërkon t’i shërbehet

Një 67-vjeçar është denoncuar në polici në pasi ka shkaktuar panik në një restorant në Biella të Italisë, duke nxjerrë një armë për shkak se nuk u lejua të darkonte para hapjes së kuzhinës.

Sipas rindërtimit të ngjarjes nga karabinierët, i moshuari kishte hyrë në lokal dhe kishte kërkuar të shërbehej, por kamarieri i kishte shpjeguar se kuzhina nuk ishte ende e hapur. I irrituar nga refuzimi, ai ka nxjerrë nga xhepi një pistoletë, duke alarmuar stafin dhe klientët e pranishëm. Një prej punonjësve është përpjekur ta ndalojë, por 67-vjeçari është larguar me shpejtësi nga vendi i ngjarjes. Ndërkohë, një tjetër punonjës ka njoftuar menjëherë numrin e emergjencës 112.

Pas marrjes në pyetje të dëshmitarëve dhe verifikimit të kamerave të sigurisë, autoritetet kanë arritur ta identifikojnë dhe ta lokalizojnë në banesën e tij.

Gjatë kontrollit u gjet arma, një pistoletë manovre të lyer me bojë të zezë për t’u dukur si armë e vërtetë. Ai akuzohet për armëmbajtje të paligjshme dhe përhapje paniku.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)