Kongresi i FIFA-s në Vankuver, Irani bojkotoi pjesëmarrjen

Zyrtarët iranianë kanë anuluar pjesëmarrjen pasi kanë pretenduar se janë trajtuar në mënyrë ofenduese nga policia e emigracionit në aeroportin e Torontos.

30.04.2026. 20:36

Kongresi i FIFA-s në Vankuver, Irani bojkotoi pjesëmarrjen

Në Kanada është hapur zyrtarisht Kongresi i 76-të i FIFA-s, që po zhvillohet në qytetin e Vankuver. Në hapje të punimeve fjalën e mori presidenti Gianni Infantino, i cili deklaroi: “Sot Vankuveri është në qendër të botës”.

Në aktivitet ishte i pranishëm delegacioni i Palestinës, pavarësisht disa vështirësive me vizat në hyrje të vendit. Ndërkohë, mungoi delegacioni i Iran. Sipas raportimeve, zyrtarët iranianë kanë anuluar pjesëmarrjen pasi kanë pretenduar se janë trajtuar në mënyrë ofenduese nga policia e emigracionit në aeroportin e Torontos.

Më pas, presidenti dhe sekretari i përgjithshëm i federatës iraniane janë kthyer në Turqi, duke refuzuar një ofertë të FIFA-s për një fluturim privat që do t’i rikthente menjëherë në Kanada. Për shkak të luftës, prezenca e Iranit në Botërorin 2026 ka krijuar jo pak përshtjellim. Sipas kalendarit të publikuar, përfaqësuesja iraniane duhet ti luajë ndeshjet në Shtetet e Bashkuara të Amerikës.

Shkarkoni aplikacionin Newsmax Balkans:

Komente (0)