“Presidentin e Francës e rreh gruaja”, Macron i përgjigjet ‘shuplakës’ së Trump: Do të dobësosh NATO-n!

Përplasja në distancë për mungesën e vullnetit të europianëve për t’iu bashkuar operacioneve ushtarake të SHBA dhe Izraelit në Iran, ka kaluar në një nivel personal mes Presidentit amerikan Donald Trump dhe atij francez Emmanuel Macron.

Pak orë pasi Trump e ironizoi për forcën e tij nga Shtëpia e Bardhë, duke i kujtuar episodin e ndodhur në maj 2025, ku Brigitte Macron dukej sikur e qëllonte me shuplakë pak para se të zbrisnin nga avioni presidencial në Vietnam, Macron iu përgjigj me akuza të ashpra liderit amerikan.

Presidenti francez akuzoi Trump për dobësimin e NATO-s, gjë që sipas tij e ka bërë duke shprehur "dyshime të përditshme në lidhje me angazhimin e Aleancës".

Fillimisht, Macron e përshkroi një operacion të mundshëm ushtarak për të "hapur" Hormuzin si jorealist dhe më pas u kthye të kritikonte qëndrimin e Trump për NATO-n.

“Disa mbështesin idenë e çlirimit të Ngushticës së Hormuzit me forcë, përmes një operacioni ushtarak, një qëndrim që Shtetet e Bashkuara ndonjëherë e shprehin, megjithëse ka luhatje. Ky nuk ishte kurrë opsioni që e mbështetëm, sepse është jorealist. Do të zgjaste... përgjithmonë dhe do t'i ekspozonte të gjithë ata që kalojnë nëpër Ngushticë ndaj rrezikut nga Garda Revolucionare, por edhe nga raketat balistike”, u tha Macron gazetarëve gjatë vizitës së tij në Korenë e Jugut.

Siç tha ai, lufta që po zhvillohet në Lindjen e Mesme nuk ofron një "zgjidhje afatgjatë" për çështjen e programit bërthamor iranian, ndërsa duke iu referuar referencave tallëse të bëra nga Trump për marrëdhënien e tij me gruan, Brigitte, ai tha se këto komente "nuk janë as të sjellshme dhe as të denja për këtë nivel".

LEXO MË SHUMË

Amerika

“Gruaja e keqtrajton”, Trump s'i del inati me Macron: Ai ende e mban mend shuplakën që ajo i dha

Sulmi i Trump erdhi pas qëndrimit të Emmanuel Macron për luftën me Iranin, në një aktivitet në Shtëpinë e Bardhë, ku ai përsëriti se "lufta do të vazhdojë për 2-3 javë të tjera".

09:30 3 ditë më parë02.04.2026.

Autori

Europa

SHBA liroi sanksionet, Macron – Rusisë: Gaboni nëse shpresoni që lufta do ua lehtësojë masat

Shefi i Elizesë i kujtoi Moskës vendimin e G7 për të mos “rishikuar” politikën e saj të sanksioneve.

17:48 23 ditë më parë13.03.2026.

Autori

Europa

Irani e goditi me dronë, Macron: Kush sulmon Qipron, sulmon të gjithë Europën!

Macron e tha qartë se problemi i Qipros është një çështje që shqetëson edhe Parisin, teksa njoftoi se Franca dhe partnerët e saj nga BE-ja do të nisin një operacion të kombinuar për të shoqëruar anijet tregtare dhe për të siguruar lirinë e lundrimit në ngushticën e Hormuzit dhe Gjirin Persik.

15:01 27 ditë më parë09.03.2026.

Autori

Ndërkohë, Trump herët në mëngjes pasi goditi Britaninë e Madhe duke thënë se “nuk kanë as flotë”, u mor personalisht me çiftin Macron, duke rikthyer në vëmendje shuplakën që bëri xhiron e rrjetit.

“E thirra Francën, Macron - gruaja e tij e keqtrajton, ai ende e kujton shuplakën që i dha ajo", tha Trump duke shkaktuar të qeshura tek të pranishmit.

Pas këtij konstatimi, Trump vazhdoi duke thënë: “I thashë, ‘Emmanuel, do të donim të na ndihmonit në Gjirin Persik, edhe pse kemi një rekord të shkatërrimit të të këqijve dhe raketave balistike. Do të donim të na vinit në ndihmë. Nëse mundesh, a mund të dërgosh anije menjëherë?’ Ai më tha, ‘Jo jo jo, nuk mund ta bëjmë këtë, Donald. Mund ta bëjmë këtë pasi të fitohet lufta’, dhe unë i thashë, ‘Jo jo, nuk kam nevojë për to pasi të fitohet lufta, Emmanuel.’”.

Duke iu referuar qëndrimit të Francës si aleat i SHBA-ve dhe në NATO , presidenti amerikan tha se "nuk kishim nevojë për ta, por unë i kërkova gjithsesi".

“Kështu mësova për NATO-n. NATO nuk do të jetë atje nëse ndonjëherë do të kemi NATO-n e madhe, e dini çfarë dua të them me atë të madhen”, tha Trump, pa dhënë më tepër hollësi.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)